Ինչե՞ս գրանցել դոմեն «.am» կամ «.հայ» դոմենային տիրույթում
Համոզվեք, որ ձեր նախընտրած դոմենը ազատ է
«.am» և «.հայ» տիրույթում դոմենային անունների գրանցման քաղաքականությանը և տեխնիկական պահանջներին կարող եք ծանոթանալ այստեղ
Ընտրեք Ռեգիստրարին ներկայացված ցանկից
Դոմենային անունը գրանցելու համար անցեք Ռեգիստրարի կայք կամ այցելեք գրասենյակ
.am և .հայ տիրույթում դոմենային անունը գրանցվում է առնվազն 1 տարի ժամկետով, որը հետագայում հնարավոր է երկարաձգել: Դոմենի գրանցման ժամկետի լրանալու պահից, իրավատերն ունի ևս 30 օր երկարաձգելու համար։ 
Ինչպե՞ս տեղափոխել դոմենը «.am» կամ «.հայ» դոմենային տիրույթում
«.am» և «.հայ» տիրույթում դոմենային անունը ռեգիստրարից ռեգիստրար տեղափոխումն իրականացվում է տեղափոխման ծածկագրի (authorization code) հիման վրա, որը դոմենի իրավատիրոջը տրամադրում է ընթացիկ ռեգիստրարը:
«.am» և «.հայ» տիրույթում գրանցված դոմենների համար իրավատերը կարող է գեներացնել տեղափոխման ծածկագիր նաև հետևյալ հղումով, եթե տվյալների շտեմարանում նշված էլեկտրոնային հասցեն հասանելի է:
.am և .հայ տիրույթում դոմենային անունը թույլատրվում է տեղափոխել գրանցումից 60 օր հետո միայն Ինչպե՞ս փոխել դոմենի իրավատիրոջը «.am» կամ «.հայ» դոմենային տիրույթում
«.am» և «.հայ» տիրույթում դոմենային անվան իրավատիրոջ փոփոխությունը կատարվում է միայն իրավատիրոջ դիմումի և անձը հաստատող փաստաթղթի հիման վրա՝ ընթացիկ ռեգիստրարին դիմելով:
«.am» և «.հայ» տիրույթում գրանցված դոմենային անունների հետ կապված ցանկացած վեճ պետք է վերջնականորեն լուծվի արբիտրաժի միջոցով` «Հայաստանի Հանրապետության առևտրաարդյունաբերական պալատին կից մշտապես գործող արբիտրաժային հաստատություն» հիմնարկի կողմից՝ համաձայն վերջինիս կանոնակարգի:
.am և .հայ տիրույթում դոմենային անվան իրավատիրոջ փոփոխությունը համարվում է նոր գրանցում և դոմենի գրանցման և երկարաձգման ժամկետները համապատասխանաբար թարմացվում են, ռեգիստրի կողմից իրավատիրոջ փոփոխության հաստատմանը համաձայն: 